Galatians 5
1ព្រះគ្រិស្ដបានដោះយើងឲ្យរួចដើម្បីឲ្យយើងមានសេរីភាពដូច្នេះចូរអ្នករាល់គ្នាឈរឲ្យមាំមួនចុះហើយកុំឲ្យជាប់នឹមនៃភាពជាបាវបម្រើទៀតឡើយ។ 2មើល៍ខ្ញុំប៉ូលសូមប្រាប់អ្នករាល់គ្នាថាបើអ្នករាល់គ្នាកាត់ស្បែកនោះព្រះគ្រិស្ដគ្មានប្រយោជន៍សម្រាប់អ្នករាល់គ្នាទេ 3ខ្ញុំសូមធ្វើបន្ទាល់ម្ដងទៀតដល់អ្នកទាំងអស់ដែលទទួលពិធីកាត់ស្បែកថាអ្នកនោះមានកាតព្វកិច្ចប្រព្រឹត្តតាមគម្ពីរវិន័យគ្រប់ជំពូក។ 4អ្នករាល់គ្នាដែលចង់ឲ្យបានរាប់ជាសុចរិតដោយសារក្រឹត្យវិន័យនោះត្រូវបែកចេញពីព្រះគ្រិស្ដនិងបានបាត់បង់ព្រះគុណហើយ។ 5ដ្បិតយើងទន្ទឹងរង់ចាំសេចក្ដីសង្ឃឹមនៃសេចក្ដីសុចរិតតាមរយៈព្រះវិញ្ញាណនិងដោយសារជំនឿ 6ព្រោះនៅក្នុងព្រះគ្រិស្ដយេស៊ូការកាត់ស្បែកឬមិនកាត់ស្បែកគ្មានអ្វីសំខាន់ឡើយប៉ុន្តែអ្វីដែលសំខាន់គឺជាជំនឿដែលប្រព្រឹត្តដោយសេចក្ដីស្រលាញ់។ 7អ្នករាល់គ្នារត់បានល្អហើយតើអ្នកណារារាំងអ្នករាល់គ្នាមិនឲ្យស្ដាប់បង្គាប់សេចក្ដីពិត? 8ការបញ្ចុះបញ្ចូលបែបនេះមិនមែនមកពីព្រះមួយអង្គដែលបានត្រាស់ហៅអ្នករាល់គ្នាទេ។ 9មេនំប៉័ងបន្តិចបន្តួចធ្វើឲ្យម្សៅទាំងអស់ដោរឡើង។ 10នៅក្នុងព្រះអម្ចាស់ខ្ញុំជឿជាក់ថាអ្នករាល់គ្នានឹងគ្មានគំនិតណាផ្សេងទៀតឡើយប៉ុន្តែអ្នកដែលធ្វើឲ្យអ្នករាល់គ្នាជ្រួលច្របល់ទោះបីអ្នកនោះជានរណាក៏ដោយគេនឹងទទួលទោស។ 11បងប្អូនអើយ! បើខ្ញុំនៅតែប្រកាសអំពីការកាត់ស្បែកតើហេតុអ្វីបានជាខ្ញុំនៅតែត្រូវគេបៀតបៀនដូច្នេះ? បើខ្ញុំប្រកាសដូច្នោះមែននោះឈើឆ្កាងលែងធ្វើឲ្យមានការជំពប់ដួលទៀតហើយ។ 12ខ្ញុំចង់ឲ្យពួកអ្នកដែលធ្វើឲ្យអ្នករាល់គ្នាជ្រួលច្របល់ក្រៀវខ្លួនឯងទៅ។ 13បងប្អូនអើយ! ដ្បិតអ្នករាល់គ្នាត្រូវបានត្រាស់ហៅឲ្យមានសេរីភាពប៉ុន្តែកុំប្រើសេរីភាពនោះទុកជាឱកាសដល់សាច់ឈាមឡើយផ្ទុយទៅវិញចូរបម្រើគ្នាទៅវិញទៅមកដោយសេចក្ដីស្រលាញ់ចុះ 14ដ្បិតគម្ពីរវិន័យទាំងមូលបានសម្រេចនៅក្នុងមួយឃ្លានេះថា៖ «ចូរស្រលាញ់អ្នកជិតខាងរបស់អ្នកឲ្យដូចខ្លួនឯង» 15ប៉ុន្តែបើអ្នករាល់គ្នាប្រខាំគ្នាហើយបំផ្លាញគ្នាដូច្នេះចូរប្រយ័ត្នក្រែងលោអ្នករាល់គ្នាត្រូវវិនាសដោយសារគ្នាឯង 16ដូច្នេះខ្ញុំសូមប្រាប់ថាចូរដើរតាមព្រះវិញ្ញាណចុះនោះអ្នកមិនធ្វើតាមចំណង់តណ្ហាខាងសាច់ឈាមឡើយ 17ដ្បិតសាច់ឈាមប៉ងប្រាថ្នាទាស់នឹងព្រះវិញ្ញាណរីឯព្រះវិញ្ញាណក៏ទាស់នឹងសាច់ឈាមដែរព្រោះទាំងពីរនេះប្រឆាំងគ្នាដូច្នេះអ្នករាល់គ្នាមិនធ្វើអ្វីដែលអ្នករាល់គ្នាចង់ទេ 18ប៉ុន្តែបើព្រះវិញ្ញាណដឹកនាំអ្នករាល់គ្នានោះអ្នករាល់គ្នាមិននៅក្រោមគម្ពីរវិន័យទេ។ 19រីឯកិច្ចការរបស់សាច់ឈាមវិញច្បាស់ណាស់គឺអំពើអសីលធម៌ខាងផ្លូវភេទអំពើស្មោកគ្រោកល្មោភកាម 20ការថ្វាយបង្គំរូបព្រះមន្តអាគមសេចក្ដីសំអប់ការឈ្លោះប្រកែកសេចក្ដីច្រណែនកំហឹងការប្រជែងការបែកបាក់បក្សពួកនិយម 21សេចក្ដីឈ្នានីសការប្រមឹកស៊ីផឹកអ៊ូអែនិងអ្វីៗផ្សេងទៀតដែលស្រដៀងនឹងសេចក្ដីទាំងនេះដូចដែលខ្ញុំធ្លាប់ប្រាប់រួចមកហើយខ្ញុំសូមប្រាប់អ្នករាល់គ្នាជាមុនថាអស់អ្នកដែលប្រព្រឹត្តយ៉ាងនោះនឹងមិនបានទទួលនគរព្រះជាម្ចាស់ទុកជាមរតកឡើយ។ 22រីឯផលផ្លែរបស់ព្រះវិញ្ញាណវិញគឺសេចក្ដីស្រលាញ់អំណរសេចក្ដីសុខសាន្តសេចក្ដីអត់ធ្មត់សេចក្ដីសប្បុរសសេចក្ដីល្អភាពស្មោះត្រង់ 23ចិត្តស្លូតបូតនិងការគ្រប់គ្រងចិត្តហើយគ្មានក្រឹត្យវិន័យណាទាស់សេចក្ដីទាំងនេះឡើយ។ 24អស់អ្នកដែលជារបស់ព្រះគ្រិស្ដយេស៊ូពួកគេបានឆ្កាងសាច់ឈាមជាមួយសេចក្ដីប៉ងប្រាថ្នាព្រមទាំងចំណង់តណ្ហាទាំងឡាយរួចហើយ 25បើយើងរស់នៅតាមព្រះវិញ្ញាណនោះត្រូវដើរតាមព្រះវិញ្ញាណដែរ 26ចូរយើងកុំចង់បានកេរ្តិ៍ឈ្មោះឥតប្រយោជន៍ទាំងរករឿងឬឈ្នានីសគ្នាទៅវិញទៅមកឡើយ។
Copyright information for
KhmKCB